Tin varios caso den Corte entre Minister di Deporte Dangui Oduber y miembronan di Hunta di Supervision di Fundacion Lotto pa Deporte. E decision anuncia diamars mainta ta di un caso cu tabata andando den bodemprocedure. Esaki Corte ta splica den un relato.
Den e veredicto di e caso sumario di 7 di februari, 2018, Corte a ordena Gobierno pa pospone ehecucion di e decisionnan di retiro di fecha 3 di januari, 2018, di e miembronan di Hunta di Supervision di FLPD y tambe pa schors e miembronan nobo nombra entrante 10 di januari, 2018.
Gobierno a apela e decision aki y a bay Hof.
E veredicto den un caso sumario ta un decision temporal, cu ta wordo duna despues di un procedura cortico (rapido). E ta valido te ora cu tin un decision final den un asina yama “bodemprocedure”.
Loading...
Reload document 
Open in new tab Den un bodemprocedure e partidonan por trece nan punto di bista dilanti mas ampliamente cu den un caso sumario.
Despues di e caso sumario FLPD y e miembronan di Hunta di Supervision a cuminsa cu e bodemprocedure. E decision di Corte di diamars mainta, ta un decision den bodemprocedure. E no ta e decision di e Hogerberoep (apelacion) di e caso sumario.
Minister di Deporte dia 3 di januari, 2018, pues corto despues cu el a asumi e puesto di Minister dia 17 di november, 2017, a retira tur e miembronandi Hunta di Supervision di FLPA y un siman despues a nombra cinco miembro nobo di Raad van Toezicht.
Basa riba Statuutnan di FLPD e Minister ta autorisa pa retira e miembronan di Raad van Toezicht. E motibo duna pa retira e personanan aki ta cu e tabata necesario pa un bon funcionamento di FLPD, y cu esaki a bini despues di cambio di Gobernacion cu a bay hunto cu e cambio di maneho di Minister di Deporte.
Den e procedura aki e pregunta central ta si e Minister basa riba e motibonan duna tabata autorisa pa retira e miembronan di Hunta di Supervision.
Corte ta considera cu for di e Statuutnan di FLPD y di e Governancecode cu ta valido pa e Fundacion, ta saca afo cu e FLPD mester por funciona sin e influencia directo di e Minister of di Politica en general.
E funcionamento independiente di FLPD ta obstaculisa den caso cu e Minister, sin motibonan valido, retira e miembronan di Hunta di Supervision y na nan luga nombra miembronan nobo.
E Statuutnan y e Governancecode ta trece cune tambe cu e Minister solamente por retira un of mas miembro si tin un motibo hustifica.
Un gobierno nobo no ta un motibo valido pa retiro di e miembronan nobo di Hunta di Supervision. E maneho nobo di e Minister tampoco ta un motibo valido. Minister mes no a bay riba e invitacion di Hunta di Supervision na november, 2017 pa sinta combersa riba e Plan di Maneho di e Minister.
Pa hustifica su puntonan di bista cu e Hunta di Supervision no ta funciona bon, Gobierno den e procedura aki a apela riba algun sucedido, di cualnan e Minister no tabata na altura di nan na momento di manda e cartanan di retiro. No por uza e hechonan aki, segun Corte, pa hustifica e cartanan di retiro di dia 3 di januari, 2018.
