Corte a suspende tres decision di Minister Dangui Oduber contra di Jerry Staring di DVG

Corte a bolbe dicta un sentencia den e caso di Director di Salubridad Publico, Jerry Staring. E decision aki a cay e siman aki den Corte, esta Raadkamer, unda cu e tipo di casonan interno ta wordo trata.

Segun Abogado David Kock a splica, mas of menos tres siman pasa Hues a tuma un decision den un otro caso di Jerry Staring, caminda cu e mester asumi su funcion di biaha.  Staring a presenta na trabao tambe, pero despues di esey masha lihe Minister Oduber a tuma tres decision tras di otro, pa purba di frustra e decision cu Hues a tuma.

 

Corte a suspende tres decision di Minister Dangui Oduber contra di Jerry Staring di DVG

Corte a suspende tres decision di Minister Dangui Oduber contra di Jerry Staring di DVG. Click link pa mas https://24ora.tv/2XAQVU9

Posted by 24ora on Tuesday, June 25, 2019

Kico e Minister a haci?

E Minister a core bolbe dun’e otro tipo di trabao pa e bay haci. A prohibi’e pa drenta den e edificio di Departamento di Salud Publico y hasta a kita su autoridad pa firma como Director. “Nos no por a kere e accion aki”, Abogado Kock a splica den number di su cliente.

Como ambtenaar loke tin cu haci, cada biaha cu Gobierno tuma un decision, ta reacciona. No por tuma un decision prome cu esey. Na momento cu e decisionnan aki a cay y e Minister a keda para ariba, Staring a entrega tres kortgeding tras di otro pidiendo pa nan wordo trata hunto y dialuna ultimo veredicto den tur tres a bin. Den tur tres caso, Hues a suspende e decisionnan di Minister, bisando tambe cu e mandatario en realidad mester a percura pa cumplimento di e veredicto prome, y no bay tuma accion atrobe pa frustra esey.

Cu esaki, cos ta bolbe bek na su normalidad pa Staring y Abogado Kock ta spera cu cada biaha e haya su mes ta haya su mes ta bay na Hues pa cosnan asina y por bin un bon transicion. Partidonan mester djis sinta hunto y palabra con Staring ta sigui den su funcion.

Bek den su funcion

Jerry Staring por a asumi su funcion for di algun siman pasa caba si no ta pa e tres hechonan aki. E tambe a bisa ta warda un rato wak kico Hues ta bolbe bisa. Hues a bolbe ripiti e mesun cos. Di forma inmediato un biaha mas Staring ta bek cu su autoridad pa firma y por drenta edificionan di Gobierno. E tres decisionnan cu Minister a tuma despues di e veredicto di biaha pasa, a wordo geschorst.

Impresion

Abogado Kock a comenta cu ultimo biaha e tambe a kere cu esey tabata suficiente. Kock ta kere cu awo ta asina cla kico Corte ta pensa den e caso aki, pa buena marcha di e departamento eynan y tambe pa trece trankilidad bek y naturalmente pa Staring. Ta spera cu esaki e calma tey bek y por cuminsa traha trankil un biaha mas na Departamento di Salud Publico.

Gobierno lo respeta?

A nota cu Hues no a impone un dwangsom. Gobierno tin e opcion pa bolbe keda sin ehecuta e sentencia aki y pa Kock, si esaki sosode, ta un mal señal pa nos sistema democratico y con division di poder ta funciona. Kock no ta kere ta bon pa purba di mina e decision di Hues. Esey lo ta un desaroyo peligroso. Ta spera cu Gobierno cumpli cu decision di Hues. Sino ta bolbe forsa Staring den caso aki of tambe cualkier ambtenaar, pa cada biaha bay Corte. Staring no ta opta pa un escalacion mas di e situacion. E kier djis traha bek como Director.

Espacio pa apela

Den casonan di ambtenaar no ta existi chens pa apela. E caso den kortgeding ta keda asina. Ta yama nan bodemprocedures coriendo, mirando cu kortgeding ta algo provisional en espera di un bodemprocedure, caminda cu Hues ta wak con e chensnan ta. Eseynan lo bin dilanti, solamente si partidonan dera e hacha y nan por sigui p’adilanti. E ora eseynan no mester sigui.

Comments

comments