Corte a suspende prohibicion di entrada contra Jerry Staring

Na luna di juni ultimo, Drs. Jerry Staring, Director di Directie Volksgezondheid, a entama un caso contra Gobierno di Aruba y Minister Dangui Oduber. Abogadonan pa Staring ta mr. David Kock y mr. E. Cafarzuza, mientras cu Gobierno a confia mr. Bryan Coffie di bufete Gomez & Coffie cu nan defensa. Awe mainta Hues a dicidi na fabor di Staring y a destrui e decision di Minister Dangui Oduber. Esaki ta un otro caso cu e Minister ta perde, banda di tur esunnan cu Fundacion Lotto pa Deporte a entama contra dje.

Tabata dia 1 di juni 2018 cu Minister Dangui Oduber, via un Decreto Gubernamental, a prohibi Drs. Jerry Staring di drenta Directie Volksgezondheid (DVG) y tur departamento cu ta resorta bou di dje, pa motibo di un investigacion. E Minister a menciona despues den un otro carta cu tin diferente keho contra e Director, cu mester investiga. E mandatario a skirbi’e cu e investigacion lo por tuma 6 siman di tempo. Staring a protesta contra e decision di Minister, dor di entama un caso mesora na Corte di Ambtenaar. A trata e caso aki cu portanan cera.

Hues a dicidi den e caso aki cu Minister Dangui Oduber a tuma un decision sin suficiente motivacion, argumentonan huridico ni tampoco a mara e decision na un temporada. E hecho cu no a scucha Staring prome, ta mustra un investigacion no balansa. Riba dje, e carta di Departamento di Recursonan Humano (DRH) di Gobierno ta sostene Staring den cierto forma y ta sigura cu e acusacionnan di e empleado cu a keha e Director no ta basa riba realidad y e supuesto encuesta cu nan a tene ta subhetivo.
[pdf-embedder url=”https://24ora.com/wp-content/uploads/2018/07/Sentencia-Staring-vs-Oduber.pdf” title=”Sentencia Staring vs Oduber”]
Cu e realidad aki riba mesa, Hues awe a “schors” e decision di Minister Dangui Oduber pa prohibicion di entrada di drs. Jerry Staring te ora cu atende e caso den Bodemprocedure den Corte. Cu esaki Staring ta bek na trabou y den funcion desde dialuna caba!

Corte a suspende prohibicion di entrada contra Jerry Staring

Corte a suspende prohibicion di entrada contra Jerry StaringNa luna di juni ulimo, Drs. Jerry Staring, Director di Directie Volksgezondheid, a entama un caso contra Gobierno di Aruba y Minister Dangui Oduber. Abogadonan pa Staring ta mr. David Kock y mr. E. Cafarzuza, mientras cu Gobierno a confia mr. Bryan Coffie di bufete Gomez & Coffie cu nan defensa. Awe mainta Hues a dicidi na fabor di Staring y a destrui e decision di Minister Dangui Oduber. Esaki ta un otro caso cu e Minister ta perde, banda di tur esunnan cu Fundacion Lotto pa Deporte a entama contra dje.

Posted by 24ora on Friday, July 6, 2018