Corte a ratifica retiro inmediato di Ex-Griffier di Parlamento

2899

Hopi cos a sali na cla durante tratamento di e retiro di e ex-griffier di Parlamento den Corte di Apelacion. Tabata na aña 2015 cu a kit’e for di trabou “op staande voet”. Ta hopi decision incorecto Jacqueline Sherman a tuma cu awe e no ta den e puesto aki mas. Tur e puntonan aki a bini dilanti den Corte.

El a acudi eynan pa evita cu su retiro ta drenta na vigor. Pero tanto den Corte den prome instancia, como den apelacion y Raad van Beroep, e no a haya rason. Mas bien Corte di Apelacion a ratifica e sentencia di Corte den prome instancia di Aruba.

E caso, cu awo a conoce un sentencia di Corte di Apelacion dia 17 di februari 2021, a cuminsa desde 2016 caba. E tempo ey e ex-Griffier di Parlamento, Jacqueline Sherman a perde e caso. Abogado mr. Milly Schwengle a defende Parlamento, mientras cu abogado mr. David Kock a defende e ex-Griffier.

Dia 18 di januari 2016 el a apela e sentencia di Corte den prome instancia y e sentencia a bin cay 5 aña despues. Na 2018 a cuminsa trata e caso pero a duna partidonan chens pa bay mesa cu otro y purba yega na un solucion, locual a fracasa. Dia 29 di januari ultimo a trata e caso atrobe den Corte di Apelacion, den cual tres hues a revisa e caso completamente di nobo. E tratamento a tuma luga via comunicacion di video entre Corte di Aruba y Corsou.

Pa lesa e reportahe completo riba e caso aki y con ex-griffier di Parlamento tabata abusa di su posicion privilegia, bay riba www.trempan.com y registra pa bo edicion di awe gratis.