Contrario na e dos nombernan cu Gobierno a propone, e organisacion NGO a haci un contra oferta dilanti Hues, durante un proceso legal pa Corte dicta un “orde maatregel”. Meta di e decision tabata pa e fundacion por sigui opera, despues cu e directiva completo a baha “en bloc”. E organisacionnan ambiental no tabata na fabor pa nombra un directiva temporal, pero Hues ta haya cu mester por sigui draai e fundacion.
A acorda cu lo bin hende nombra dor di Gobierno pero tambe for di e organisacionnan ambiental. Asina a acorda cu e directiva lo consisti di 4 persona y no di 2 manera Gobierno a propone. E directiva a bira Ex Gobernador Freddis Refunjol, ex Director di WEB, Ing. Jossy Lacle, Secretario di Raad van Advies, mr. Hellen van der Wal y e politico di partido MAS, Norman Kuiperi. E ultimo aki a conta cu sosten di e ambientalistanan.
Meta di e directiva temporal ta pa sigui maneha asuntonan coriente, bin cu un perfil pa un directiva nobo. Na Augustus lo bolbe atende e tema aki den Corte pa mira si partidonan a yega na otro pa e perfil di miembronan di directiva, pa e proceso por cuminsa mesora.
