Corte a bay di acuerdo pa scucha ex fiscal Italiano den caso contra Gerrit Schotte

Awe tabatin un sentencia den un caso cu Gerrit Schotte a cuminsa pidiendo pa scucha un ex Fiscal di Italia cu tabata envolvi den e caso contra dje. Den pasado el a haci e peticion pero cada bes Hof a rechasa su peticion. Pero e biaha aki Corte den Prome Instancia a bay di acuerdo pa scucha ex fiscal di Milan, Pellicano. E motibo cu Schotte kier pa scuch’e ta pa haya sa si Fiscal van der Schans a papia berdad den e investigacion di caso di Schotte.

E kier pa scucha e ex Fiscal dicon e contacto tabata cu e Fiscal di Corsou; si e iniciativa a bini for di Pellicano of ta van der Schans a busca e contacto. E Fiscal di Corsou a bisa cu Pellicano a acerca nan cu e tin informacion cu ta relevante pa e investigacion cu tin andando contra Schotte. Pero nan kier scucha for di Pellicano mes si esey tabata asina of lo contrario.

Schotte kier saca afo si e Fiscal Hulandes a actua ilegal si e por wordo teni responsabel pa daño sufri a causa di su actuacion ilegal. Hues a haya cu a duna un bon splicacion di kico kier logra cu e peticion pa scucha Pellicano. E interogacion ta bay riba rol den inicio di e investigacion penal contra Schotte y otronan y e supuesto declaracionnan mentiroso di van der Schans. Ta bon splica cual hechonan Schotte kier proba. E hecho cu den e caso penal a nenga di scucha Pellicano no ta importante.

E partidonan hunto cu Griffie mester busca un fecha entre awo y juni durante cual e testigo Pellicano lo no por duna un declaracion, pa motibo cu e ta ocupa, pa despues yega na e fecha di interogacion.

Comments

comments