Corte a baha castigo pa tata cu a defende honor di yiu

4300
Tata Marvin (47) y yiu Marlon Stennett (def) sospecha di a viola G.S di 24 aña di edad. E tata di e victima, Franklin Sanchez a bay nan cas pa regla cuenta mesora ora a tende di nan acto lamentabel contra su yiu muhe.

Diabierna den oranan di merdia Corte di Prome Instancia a dicta sentencia den caso contra Franklin Sanchez, kende dia 30 di mei ultimo a kap Marlon Stennett, kende a permiti y para wak con su tata a abusa sexualmente di e yiu di e acusado Sanchez.

E sentencia aki tabata e prome di e aña’ki y a tuma luga den oranan di merdia. Presente na e ocasion aki tabata e abogado mr. Canwood y esposa di e acusado. E señora a splica cu e sentencia a trece un alivio pa famia, ora cu Hues a anuncia cu el a baha e castigo di 10 aña pa 5 aña. Nan ta spera di tur curason cu Fiscal no apela e decision aki y acepta cu cinco aña ta suficiente pa e acto cu Sanchez a comete. Un biaha mas e señora a sigura cu niun momento tabata intencion di su casa Franklin Sanchez pa mata e agresor, cu tabata un amigo di e yiu muhe, sino pa siñe un les.

Prome sentencia di 2020:5 aña di prison pa tata Dominicano cu a kap mata Jamaiquino cu a abusa di su yiu muhe

Posted by 24ora on Friday, January 3, 2020
Nelson “Speed” Andrade a combersa cu Patricia Sanchez-Marchena, mama di e victima di violacion sexual y alabes casa di Franklin Sanchez, sospechoso di asesinato

Decision

Sanchez tabatin tres acusacion contra dje: Asesinato premdita; homicidio of maltrato pisa cu morto como consecuencia.Hues na momento di lesa e sentencia a bisa cu e acusado a admiti di a maltrata Marlon Stennett cu machete na rudia y despues el a fayece.

E mama mes, Patricia Sanchez, tin hopi rabia, specialmente pasobra despues di nan trauma, ainda ta manda menasa contra su famia. El a sigura di no tin miedo y di lo defende su yiunan cu su mesun bida, si ta necesario.

Hues a bisa cu el a studia e caso profundamente y mester a contesta preguntanan manera con pa califica e actuacion di e acusado y con el a actua na momento di e sucedido. Su conclusion tabata cu e no a actua intencional ora cu el a kap Stennett cu e machete na su pia, ya cu normalmente lo no fayece di esaki. Otro lo tabata e caso si el a kap’e na su pecho unda tin organonan masha importante. Na di dos luga, Hues a bisa cu e no tabata trankil na momento di e sucedido, pasobra ainda e tabata afecta emocionalmente pa loke a pasa cu su yiu muhe na man di Stennett y su tata.

Hues a conclui cu su intencion no tabata pa mata y e mes a bisa na diferente ocasion cu su intencion no tabata pa mata pero dun’e un les. Basa riba tur e ariba menciona, Hues ta conclui cu e acusacion cu por keda proba ta maltrato pisa cu morto como consecuencia.

Homber ta kap y mata otro cu machete den Flamboyanstraat

Homber ta kap y mata otro cu machete den Flamboyanstraat. Click e link pa mas: https://24ora.tv/2Xjj7ro

Posted by 24ora on Thursday, May 30, 2019
Diahuebs 30 di Mei atardi pa mas of menos 6or y 15 central di polis a wordo notifica di un caso di kapmento na Flamboyanstraat na San Nicolas. Na e sitio a compronde cu a transporta e victima pa IMSAN den auto particular.

Pa loke ta e castigo, a tene cuenta cu diferente aspecto: A tene cuenta cu e contexto den cual e cos a sosode, e no por a pensa “helder”; emocion a hunga un rol debi na loke cu a pasa cu su yiu cu a wordo viola. Na di dos luga a tene cuenta cu el a entrega su mes mesora; el a asumi su responsabilidad y nunca antes e tabata envolvi cu husticia.

Recherche a presenta na e sitio pa asina haci nan investigacion y polis tecnico tambe. Slachtofferhulp tambe a presenta pa atende cu e famianan. E kapnan na curpa di e victima tabata hopi serio. A perde hopi sanger. E no a logra sobrevivi.

Pa loke ta e castigo mes, Hues a tene cuenta cu casonan similar y asina el a yega na uno castigo cu ta hopi mas abou di loke tabata demanda di Fiscal, esta cinco aña. Por a compronde cu famia a keda toch contento, pasobra nan ta compronde cu un delito a wordo cometi pero cu esaki a wordo causa pa loke a pasa cu e yiu. E castigo di 5 aña ta nifica kitando e reduccion pa bon conduco, e lo mester sinta tres aña y 7 luna, y kitando e tempo cu el a pasa den detencion preventivo, shete luna, ta nifica cu ta keda un castigo di 3 aña cu e mester sinta ainda.

Tata y yiu violado tabata amigonan di cas: Mama di victima di violacion sexual ta conta e trauma insuperabel cu su yiu muhe a pasa den dje.

Tata y yiu violado tabata amigonan di cas: Mama di victima di violacion sexual ta conta e trauma insuperabel cu su yiu muhe a pasa den dje.Click link pa mas: https://24ora.news/2Mni1Kg

Posted by 24ora on Saturday, June 1, 2019
Mama Patricia Sanchez hunto cu un yiu muhe y un yiu homber, den combersacion cu Nelson “Speed” Andrade y Patrick Paskel di 24ora.com na nan cas ma Cura Cabay. E mama tin un yiu muhe mas studiando na Hulanda y e otro yiu muhe, esun mayo di 24 aña di edad, cu awor ta traumatisa pa loke “amigonan di cas” a haci cune contra su boluntad.