Alex Molina, secretario di sindicato PWC a comenta cu no ta desconoci na Corsou caminda cu e negociacionnan ta andando cu un otro compania cu tin cu bin tuma over e refineria. Pero aparentemente lo no por keda cla pa prome di januari.
Ta asina cu tin cu pasa over of keda mantene e trabao cu PDVSA ta brinda via refineria Isla. Den e cuadro ey, coleganan a bay Venezuela, hunto cu esnan di gobierno, hunto cu gerencia di refineria Isla y eynan nan a sinta hunto cu minister Quevedo y a bin cierto palabracionnan.
Pero straño tabata, cu na momento cu esun cu ta encarga cu e negociacion na Corsou, ora el a yega, corectamente el a bisa kico tur a tuma luga, pa despues dia ta bay, e ta cambia di version, caminda cu a papia di un aña y awo e ta papia di tres pa seis luna y a manda un oferta bek pa PDVSA caminda cu mientras tanto su coleganan y tambe gobierno a pidi pa loke el a manda considera uno no manda, mirando e ponencianan cu el a pone no ta loke a cuadra.
Siendo cu a keda cu ora yega Corsou, ta solamente tin cu ahusta, pone, kita, aki aya pa haya e contract di un aña.
