Corsou: Toastmaster di aña 2019-2020 pa teritorio kórsou toasmaster roxienne albertina

“Kla pa sirbi i asistí un i tur”

Durante di e selebrashon di e 96 aniversario di Toastmasters International riba djawebs dia 22 di òktober 2020, Teritorio di Kòrsou, Division A di Distrikto 81, a skohe Distinguished Toastmaster (DTM) Roxienne Albertina komo e Toastmaster di Aña pa 2019-2020. E premio aki ta keda otorgá na e miembro ku a destaká pa su kontribushon eksepshonal na Division A, Teritorio Kòrsou en partikular i na e organisashon di Toastmasters International en general.

Den aña 2019-2020 DTM Roxienne a yuda pa lanta Nilda Pinto Toastmasters Club (Kòrsou), e la risibi e award di Triple Crown i su DTM den e sistema edukashonal nobo, Pathways. Ela fasilitá diferente training na Kòrsou, diferente pais den Karibe i te hasta na Dallas, Texas USA. DTM Roxienne ta un Toastmaster hopi motivá, positivo i semper ta disponibel pa yuda. Ela sirbi hopi Klup, Area, Division i Distrikto rònt mundo den diferente funshon. Su slogan ta, ku e ta kla pa sirbi i asistí un i tur.

Na nòmber di tur klup di Division A, Teritorio Kòrsou, nos ta orguyoso di DTM Roxienne Albertina su trabou i logronan i ta felisité komo nos Toastmaster di Aña 2019-2020.





Direktor di Division A 2020-2021, Ai Wha Alcalá ta otorgá e trofeo di Toastmaster di Aña 2019-2020 na DTM Roxienne Albertina