Corsou: Mama Venezolano lo keda deporta hunto cu su yiunan

Apesar cu e tin yiu cu ta bayendo scol na Corsou, toch un di e 9 Venezolanonan cu a drenta den welga di hamber pa bringa nan deportacion, e mester bandona e isla y su yiunan hunto cun’e. No tin excepcion.
Segun Vigilante di Corsou cu di e 9 Venezolanonan, ya 8 a bay nan pais y solamente a keda e dama aki, kende ta bringando deportacion. E tabata tin mas cu 40 dia deteni den barak. A drenta un peticion pa mira kico toch por a wordo haci pa dispensa e mama aki, mirando cu e muchanan ta bay scol, pero lamentablemente esaki no a yuda tampoco. Awor aki, loke ta wardando ta pa mira ki momento ta esun apropia pa por manda e mama aki, hunto cu su dos yiunan Venezuela.
E caso aki sigur a yama atencion di henter reino, mirando cu e problematica di fluho di migrantenan ilegal di Venezuela a manifesta su mes en particular riba e tres islanan ruman, esta Aruba, Boneiro y Corsou. Y apesar cu Nacionnan Uni a convoca un peticion pa tuma refugiadonan Venezolano na nan pais, na Corsou en todo caso, no tin excepcion. Ilegal ta ilegal y si nan garabo, bo tin cu bay bek for di unda b’a bin. Nos lo sigui e desaroyonan di e caso aki.
Foto cortesia: Vigilante Korsou