Corsou: CMC ta para tur bishita regular na pashènt te próksimo aviso

272

Entrante djaluna, 23 di Novémber, Curaçao Medical Center lo para tur bishita regular na pashènt te proksimo aviso. CMC ta lamentá e paso aki, pero mirando e oumento di kasonan positivo den nos komunidat, mester tuma medida pa protehá nos pashèntnan i nos miembronan di personal.

Menos fluho den hospital ta nifiká menos risiko.

CMC ta garantisá ku dòkternan lo pasa serka kada pashènt tur dia pa un chekeo i un update. Alabes, kaminda ta
nesesario dòkter lo komuniká ku e miembro di famia of persona di kontakto, aprobá pa e pashènt.
Kasonan ekstraordinario manera pashènt post-operativo, parto, chèns ku un persona por fayesé i/òf pashènt krítiko por
risibí bishita ku outorisashon di dòkter of hefe di departamentu.