Awe, dia 18 di maart 2020, Corsou a conoce e prome morto registra pa coronavirus. Ta trata un di e 3 casonan confirma pa COVID-19. Ta trata aki di e prome pashent cu a keda detecta cu e virus cu a bin na fayece na CMC.
Aparentemente su situacion a empeora y finalmente e noticia tristo a drenta cu no mucho rato pasa, e persona a fayece.
No ta conoci sinembargo ki sexo y ki edad e persona aki tin. Na famianan di e fayecido, nos ta extende palabranan di profundo condolencia den e temponan dificil aki.
Nos ta keda pendiente pa cualkier informacion cu por drenta riba e otro casonan registra.
