River Ridge’s Eastbank All Stars a gana e campeonato di Little League World Series dominando e ekipo di Corsou y asina bay cu e titulo di campeon pa aña 2019 awe diadomingo na Williamsport, Pennsylvania, na Merca. Eastbank a logra anota 8 careda den 10 hit pa sigura un resultado final di 8-0 contra nos isla ruman. E Pitcher Egan Prather a picha e wega completo logrando 6 strikeouts, 2 hits y ningu careda den 6 inning.
Pa Corsou, esaki ta un logro grandi toch, no obstante e resultado. Cu a logra yega te na final ta bisa algo di e nivel y calidad di baseball na nos isla bisiña. Cu e resultado aki nan ta keda e campeon internacional mientras cu Louisiana a bay cas cu e titulo di campeon mundial….pabien!
