Cu un triunfo emocionante y cu homerun di Curley Martha, nos isla ruman Corsou a pasa pa e gran final di Little League World Series, cu ta tuma luga diadomingo hungando contra Hawaii of Louisiana. Martha tabata e pitcher y cu su homerun a duna su ekipo e victoria di 5 -4 contra Hapon.
E ultimo biaha cu Corsou a yega asina leu den e campeonato di baseball pa hobennan tabata na aña 2005, pues 14 aña pasa. Ta prome biaha despues di aña 2009 cu e final di Little League World Series no tin un representante internacional cu no ta sea Hapon of Sur Corea.
Tur clase di exito y pabien di nos parti pa tur cu ta forma parti di e dream team di Corsou. Deporte un biaha mas ta saca cara den gran forma, sigui asina muchanan!
