Corsou a cera tur bar y club “per direct” pa dos siman

Gobierno di Corsou a cera tur car y club diabierna atardi pa un periodo di por lo menos dos siman. Di e forma aki, mester preveni e propagacion di coronavirus riba e isla. No a registra infeccion door di corona na Corsou, pero di un otro banda, a agrega un cantidad grandi di infeccion na Aruba den cinco dia.

Pasobra te cu algun dia pasa ainda tabatin hopi trafico aereo entre e dos islanan, Corsou kier combati posibel riesgonan.

Epidemiologo dr. Izzy Gerstenbluth a bisa diabierna atardi durante un conferencia di prensa, cu a trabes di e luganan di entretenimento cera, unda cu hopi hende ta bin hunto, e virus por plama hopi lihe. Ainda ta perimiti fiesta den aire liber, por ehempel riba beach.

Ademas, tur hende cu tabata na Aruba den e ultimo 14 dianan mester presenta na e servicionan di salud na e isla. Segun Gerstenbluth, e poblacion a realisa un gran esfuerso den e utimo lunanan pa evita plamamento di coronavirus. “Como resultado, ya nos no tin infeccion. Pero cu e aumento explosivo na Aruba, nos mester ta mas alerta,” Gerstenbluth a bisa.