Departamento di Salud Publico a informa awe cu nan a realisa solamente 5 test entre ayera pa awe y tur a resulta negativo. Bisando esey, Aruba ta mantene e cantidad di casonan positivo na 101 persona. A test te cu awor 1879 hende, di cual 1778 tabata negativo, 3 a fayece, 89 a recupera y 54 ta den cuarentena. Compara cu ayera, tur cos a keda mesun cos, cu diferencia cu a test 5 persona y tur tin sintoma, pero di griep regular.
Gobierno a habri siman bisando cu por cuminsa cu trabounan di construccion y mantencion, pero den forma regula y cu permiso adelanta. A anuncia e rekisitonan di siman pasa caba y varios compania a haci peticion mesora y tin cu hasta a haya permiso. Awe durante e conferencia di prensa DOW lo informa mas ainda di e cambionan cu a bin den e “normal nobo” den cuadro pa rebiba nos economia pocopoco atrobe.
