Coronacrisis: FTA ta sigui reduci contribucion mensual otro aña tambe

691

E sindicato Federacion di Trahadonan di Aruba (FTA) ta organisa tres congreso pa aña normalmente, pero no por a bin hunto e ultimo lunanan, pa motibo di e crisis di COVID-19. E biaha aki FTA a tene su di dos congreso extraordinario, den cual a presenta e presupuesto pa aña 2021 pendiente aprobacion.

Segun presidente di e sindicato, Hubert Dirksz, den e caso aki ta solamente duna un oportunidad y turno liber pa atende tur e otro puntonan. Normalmente ta presenta relatonan di tur actividad den e sindicato, pero e realidad ta cu actividad sindical normal no tabata tey e aña aki. Si tabatin hopi trabao relaciona cu e crisis. Manera firmamento di protocol, adendemnan na diferente compania, caminda cu mester a tuma varios medida. Tambe mester a negosha, trata pa mantene mas tanto hende na pia di trabao of haya un pago husto pa ora di termina relacion di trabao y pa tuma medidanan cu ta perhudica e trahado menos posibel. Esey tabata principalmente e trabao di e sindicato e aña aki. 

Coronacrisis: FTA ta sigui reduci contribucion mensual otro aña tambe

Coronacrisis: FTA ta sigui reduci contribucion mensual otro aña tambeClick link pa mas: https://24ora.news/3nY87wD

Posted by 24ora on Saturday, November 21, 2020

Tambe tabatin casonan den corte cu a sigui y tambe otro trabaonan, ademas di negociacion pa adendemnan, tabatin algun keho, cu a pesar di e crisis, na momento cu a funciona no completo. Tin caminda cu a baha te na 80% di orario di trabao. Otro a baha pa 60%. Pero asina mes toch ta keda cu algun problema cu ta surgi cu mester a atende.

Durante e congreso, di e 92 shopstewardnan, un total di 54 so a presenta. Tabatin toch un mayoria basta grandi, cu a haci cu por a atende e congreso y presupuesto facil. Den e presupuesto aki lamentablemente mester a tene cuenta cu e crisis y cu a dicidi di rebaha entrante algun luna pasa caba door cu e salarionan di hopi a baha na 80% of 60% a dicidi di baha tambe e contribucion cu nan ta paga pa luna, tambe na 80 of 60%. Esey ta sigui pa otro aña. 

Tambe ta tene cuenta cu si en caso lo bay tin situacionnan mas dificil cu lo por tin terminacion di trabao pa hopi di e miembronan, sa e ora cu perde miembro y ricibi menos entrada y ta tene cuenta cu esey den presupuesto. 

Maske tin un demanda pa hopi trahado na hopi compania, ta birando miembro di FTA. Lamentablemente tin hopi obstaculo si di parti di dunadonan di trabao cu ta lamenta esaki. Nan ta haci hopi dificil pa e trahadonan afilia.

Ley di referendum ta considera incorecto y no ta na su luga. Maske trahadonan yena formulario, bira miembro, toch mester confirma esey den un referendum. E periodo cu ta dura prome cu yega na esaki, ta menasa y intimida e trahadonan riba dia di e referendum, cu ta haci dificil pa e trahadonan cu ta keda cu hopi miedo, pa nan bira miembro di e sindicato. 

Ta lastima cu esey ta pasa na Aruba, maske tin leynan pa percura pa esey no pasa, toch ta pasando.