Coriente a bay na Palm Beach: NV Elmar no sa cuanto e lo dura

“Tecniconan di NV Elmar ta investigando un storing cu a presenta actualmente den area di Palm Beach. Na e momentonan aki ta poco dificil pronostica duracion di e storing”, asina e compania a caba di anuncia riba su pagina di Facebook. Ultimo simannan cu bastante regularidad coriente ta bay den barionan. Update: Tur cliente den area di Palm Beach pa Awarak tin coriente bek, cu excepcion di un parti chikito den area di Holiday Inn.

Cada bes ta pidi disculpa pero no ta haya sa nunca e motibo real di e “storing”. Kisas e por ta un accidente di auto cu a benta un palo di luz abou, pero hopi biaha por ta pa falta di mantencion di e red di parti nos compania nacional di distribucion di coriente.

“Nos disculpa pa e inconvenencia cu esaki por crea. Lo mantene boso informa riba cualkier desaroyo nobo cu por tin relaciona cu e problema aki”, asina e comunicado di NV Elmar a termina.