Awe diadomingo di rama, algo pasa di 10:30am a nota cu coriente a bay den varios bario, den e districto di Santa Cruz y vecindario. A tuma nota riba red social cu habitantenan di Pos Chikito te Cumana ta reclama cu coriente a bay. Na NV Elmar nan no sa ainda kico a pasa. “E ta mustra grandi”, asina un vocero a bisa un rato pasa, indicando cu e liñanan “Elmar 1 y Elmar 2” a cay afo. Te ainda Elmar no por bisa si ta un problema di nan of si e problema ta na WEB. Na e momentonan aki tecniconan di ambos compania a activa y ta yegando na e substationnan pa por averigua kico ta e fayo.
