Coremento zigzag: Un chauffeur burachi di menos riba caminda

1461

Awe nochi despues di 6:00pm a topa cu un auto cu tabata core malo riba caminda, for di rotonde di Piedra Plat na altura di Bright Bakery den direccion di Santa Cruz. Polis a para e auto na altura di Huchada na Santa Cruz. 

Ey polis a constata cu estado di e chauffeur no ta permiti p’e sigui stuur mas. Den e auto tabatin un mucha menor di edad tambe, cu lamentablemente a mira con polis ta detene e chauffeur su dilanti. 

Coremento zigzag: Un chauffeur burachi di menos riba caminda

Coremento zigzag: Un chauffeur burachi di menos riba camindaClick link pa mas: https://24ora.news/3pVnV4V

Posted by 24ora on Monday, November 23, 2020

A pidi transport wagen pa tuma e detenido over y hib’e ward’i polis. Ey e chauffeur lo tin di duna cuenta di su actonan y pa colmo cu un menor di edad den auto, exponiendo e pober mucha na tur peliger si en caso e haya su mes envolvi den un acidente. 

Polis a pusha e auto despues na banda y a percura pa e auto ta para na un lugar mas sigur. E mucha menor di edad a subi patruya hunto cu polis, cu mester a percura p’e yega na su famia.