Tabata alrededor di 10:00 pm ora cu polis a presenta cu urgencia den Pindastraat p’un caso di tiramento, aki ta caminda cu polis a topa cu varios huls. E sospechoso tabata riba un scooter.
Pa casualidad, un rato despues na altura di rotonde Santa Cruz, polis a topa un scooter cu posiblemente ta cuadra cu e descripcion di esun cu a tira. Mesora polis a duna e scooter señal pa para pero sin resultado. E hoben motociclista a haya ta bon di purba huy pa polis. A persiguie te den e area di Papilon.
E hoben a purba pasa memey di dos patruya di polis no por a domina e scooter, cu consecuencia, a cay. Mesora polis a deten’e, di cual den un transporte policial a hib’e pa warda di polis. Pues, a deten’e mirando cu no a sigui ordo pa para pa polis. Normalmente, ora un motociclista core pa polis, si e situacion bira peligroso ta stop e persecucion.
Pero debi cu e tabata cuadra cu e discripcion di esun cu a tira, a opta pa toch sigui cu e persecucion.
