Diasabra mainta un grupo di Corectornan di Papiamento a ricibi nan certificado di un curso di Recapacitacion cu a organisa pa Fundacion Corector di Papiamento. Docentenan tabata Mag. Ling Ramon Todd Dandere y Dr. Joyce Perreira. Como Corector di Papiamento ta importante pa mantene un bon conocemento di nos dushi idioma Papiamento.
E Corectornan aki a sigui e Curso di Recapacitacion pa repasa e reglanan, practica ortografia, gramatica y traduccion. Esaki desde 2019 tur diasabra mainta di 9 pa 12or. Durante e Covid 19 e grupo aki a continua cu e curso via mail y a termin’e cu exito.
Participantenan: Glenda Reizigers, Julie Franken, Charaima Burleson, Gilbert Damian, Jos Maduro, Astrid Britten, Jennifer Jacobs, Mildred Leo, Suzy Maduro, Nilda Koolman, Lily Marval, Sasha Geerman, Lies Vrolijk, Sonja Kappel, Meverly Romano y Roy Solognier.
Masha Pabien y ban sigui mantene nos Papiamento bibo!
