“Core Cen” a subi YouTube awe pa Aruba, Boneiro y Corsou

Despues di bastante siman di preparacion, produccion y perfeccion, awe merdia pa 2:14pm, Jonathan Richardson, conoci como “Cloutrich” a lansa su cancion “Core Cen” riba e plataforma digital, YouTube. E hoben rapper mes a composita su cancion cu awor el a presenta na mundo henter, specialmente pa e mercado di Aruba, Boneiro y Corsou, cu ta papia e idioma papiamento.

E proceso di grabacion a bay bon, pa cual e ta gradici tur e musiconan y e productor Jetson Montoya cu a respald’e den henter e proceso pa yega na e producto final.

Jonathan “Cloutrich” Richardson tin 18 aña di edad y ta studiando den e seccion “Welzijn” na e facultad di Salubridad y Servicio na Colegio EPI.

Pa awor ta cuestion di download e cancion den bo celular of scuch’e cuanto cu Bo kier via e plataforma di YouTube. Ya caba e ta den proceso pa produci mas cancion, specialmente den e genero rap.

Comments

comments