Copa Mundial di FIFA 2018 ta yega su final diadomingo, ora cu Francia enfrenta Croacia den e final. Prome cu e inicio, e ceremonia di clausura di e torneo lo tuma luga den e stadion Luzhniki di Moscu.
Ta spera cu un variedad di artista haci su presentacion mientras cu Rusia ta conclui loke tabata un emocionante luna di Futbol.
Una bes cu e ceremonia caba, e berdadero clausura mes lo tuma luga riba tereno di wega, mientras cu Francia y Croacia ta apunta pa graba nan nomber den e bukinan di historia.
Esaki lo ta pa 11’or di mainta.
E Copa di Mundo a cuminsa mas di cuater siman atras cu un breve pero bunita ceremonia di apertura. E cantante Robbie Williams tabata un incorporacion laat den e alineacion y el a horta e titularnan despues di a lanta su dede mey mey pa e publico y camaranan di television.
Rusia ta spera menos controversia den e ceremonia di clausura, loke sigur lo provoca cierto tristesa.
Copa Mundial 2018 tabata ampliamente considera como un di e miho torneonan internacional, despues di a proporciona hopi golpi, regresonan laat y partidonan yena di accion mientras cu e prome uso di video di VAR tambe a provoca e debate.
E ceremonia di clausura lo conta cu actuacion oficial di Copa Mundial 2018 graba pa Will Smith, Nicky Jam y e cantante pop Kosovar Era Istrefi.
Smith a comparti su recuerdonan faborito di e Copa di Mundo cu FIFA.com. “Pami e tabata hopi memorabel. E portero Croata tabata increibel,” el a bisa. “Mi ta encarta Cristiano (Ronaldo). Mi gusta e guy aki. Pa mira e cosnan cu e ta haci y e forma den cual e ta interacta cu hende, mi ta kere e tin un gusto y un estilo impecabel.”
A publica otro poco detayenan riba e ceremonia di clausura, pero por bay tin mas musica, cortesia di e banda K-Pop EXO. E “boy band” a mira e competencia di BTS despues di encabesa un encuesta online, door di Katie Baillie di Metro.
EXO sa tur loke ta actua riba e escenario mundial. Nan a aparece den e ceremonia di clausura di e Weganan Olimpico di Winter di 2018.
E ceremonia di clausura tambe lo ofrece e oportunidad di despedi di e mascota di Copa di Mundo Sabivaka. E por mustra su habilidadnan di baile cu ya el a exhibi cu e streanan di Inglatera, Jesse Lingard y Dele Alli.
Ta mustra cu e ceremonia lo bay ta simpel, ya cu ta spera cu e enfrentamento real lo ta entre Francia y Croacia.
Les Blues lo drenta den wega como e faboritonan despues di a yega e final despues di derota Argentina, Uruguay y Belgica den e etapanan eliminatorio.
Croacia tabata tin tempo extra den su ultimo tres partidonan contra Dinamarca, Rusia y Inglatera y mester proteha su mes di cansancio. Tambe e lo bay tin cu lidia cu e ritmo explosivo di e delantero Frances Kylian Mbappe si nan kier lanta e Copa Mundial pa prome biaha.
