Bruno Conceição  durante un conferencia di prensa a papia di e prome Copa Libertadores Aruba cu ta organisando na Aruba, cuminsando dia 22 di juni awo. Pa e torneo cu ta cuminsa dia 22 di juni awor, tin 12 ekipo registra  tin mas cu 10 ekipo registra, consistiendo di hungadonan local of stranheronan bibando na Aruba.

Bruno Conceição, organisador di e evento aki, no ta desconoci den mundo futbolistico y a yega di milita den diferente ekipo local, ademas di a studia Sport Science. Ta prome biaha cu e ta organisando e Torneo aki na Aruba, cu e intencion pa esaki tuma luga den forma anualmente.

 

Copa Libertadores Aruba ta cuminsa dia 22 di juni

Copa Libertadores Aruba ta cuminsa dia 22 di juni. Click link pa mas https://24ora.news/2IsJs1f

Posted by 24ora on Wednesday, June 19, 2019

“Copa libertadores ta pa trece e comunidad deportista (futbol) hunto p’asina logra un torneo exitoso. Hopi biaha ora cu un ekipo bira campeon, ta un trofeo tin, cu ta bay cas cu e coach of cu e club. E hungado no ta haya nada y no ta wordo exponi tampoco pafo di Aruba. Como hungado mi nunca mi a logra esaki. P’esey mi ta organisando Copa Libertadores, pa duna e participantenan lo maximo di exposicion” e futbolista a splica. E torneo ta consisti di 16 ekipo, faltando 4 ainda pa inscribi. Cada ekipo ta consisti di 9 hungado mas e trainer, parti den 4 grupo. E ta bay al estilo di round robin, unda cada ekipo ta hunga contra otro. E dos mihonan di cada grupo ta pasa pa kwart final. Den e fase ey, e ekipo cu perde ta cay afo.

Nan ta spera di por atrae un publico grandi, ya cu ta bay tin diferente premio. Tambe ta bay tin premio pa e miho hungado, goleador, keeper, etc. Tambe tabata presente representante di Sport Caribe, Jonathan Wever (Marketing Manager) y Eva Wever, di Arubiana Local Brand.
Tur wega ta tuma luga na Eagle Sport Club.

Comments

comments