Henry Kelly ta un persona cu semper a traha pa e ekipo di Calabas, a aporta na e ekipo desde infancia di Jonathan Tromp, manager di e ekipo di Calabas. Awo, e ekipo tin 9 aña ta organisando Copa Henry Kelly.
Tromp ta sigui splica e aña aki e torneo ta dedica na un persona cu a traha hopi di cerca cu Henry Kelly, kende ta Edgard Joaquin Tromp.
E torneo aki, cu tin e sponser di cerbez Chill, ta cuminsa diadomingo awo, dia 15 di maart y ta caba dia 26 di april. Tin un total di 9 ekipo, consistiendo di 200 participante cu lo participa na e torneo. Ta trata di un torneo hopi competitivo riba un nivel di pitcheo halto.
Tambe tin ekiponan cu ta preparando pa Copa ABC, cual ta haci e torneo aki un bon training pa e participantenan por bay representa e ekipo di Aruba na Corsou.
Reglanan aplicabel
Tromp a comenta cu nan ta sigui reglanan di ISF y nan reglanan di cas (huisregels), cual nan ta entrega den un map na e ekiponan. Entre otro uniform, comportacion riba veld. Ta algun regla cu tin riba ISF pero tambe cosnan cu ta agrega na e reglanan pa asina mantene ordo durante e torneo aki.
E torneo tin mas of menos 3 aña para door di e desaroyo di e veld. Tin cu gradici Kiwanis, Tropical Bottling y como tambe minister Dangui Oduber, kende poco poco a yuda den desaroyo di e veld como tambe di e muchanan, cu ta haci uzo di e veld den su batting cage. Esey ta importante pa e team. Un deportista mas ta un delincuente menos, Tromp a expresa.
Invita
Ta haci un invitacion pa pueblo pasa riba veld y mira bon weganan di softball, for di dia 15 di maart te cu dia 26 di april, por spera weganan hopi competitivo y weganan cera. Pa mas informacion por subi nan pagina di Facebook SV Calabas. E meta ta pa haci esaki algo sano. Ta reta e ekiponan pero na final ora cu e wega caba, tur ta sinta y have fun cu otro.
Chill y organisadonan di Copa Henry Kelly ta invita amantenan di softball pa acudi diadomingo awo na veld di Calabas.
