Dialuna for di atardi coordinadornan di gobierno den Cocolishi a parkeer un Dienst Auto den Parkinglot otro banda di Bestuurskantoor net banda di lama. A baha bay laga e auto cu lus cendi, sin lock porta y motor cu airco cendi. Hopi iresponsabel! Un ladron por a coy e auto aki bay cune y despues comete cualkier fechoria y na final ta pueblo lo paga tog.
Sinembargo, ciudadanonan atento a yama Polis pa manda patruya. Polis mes no a presenta. Despues di un ora di yama Polis a presenta un coordinador di Gobierno y habri porta paga e auto, djey el a bay den bestuurskantoor. Probablemente e lo a bay coy e yabi pa bin lock e auto.
Tin hende cu a bay wak cine y a mira e auto cendi. A sali di Cinema y ainda e auto tabata mescos. Danki na ciudadanonan atento a evita cu caha di pueblo a sufri atrobe pa iresponsabilidad di un coordinador.
