Diahuebs den oranan di atardi Polisnan a sorprende automobilistanan cu un control na subida Ser’i Teishi.
Patruyanan di Santa Cruz a staciona na e rotonde y a tene un control cu, segun nos a compronde, tabata principalmente concentra riba e uzo di signal light ora cu ta sali di rotonde. Diferente auto cu no tabata haci uzo di signal light a wordo para. No mester lubida cu riba rotonde tambe mester haci uzo di e señal ora cu ta scoge pa bay un direccion specifico.
