Rond di nos isla tin varios control di polis tumando luga riba caminda. Y Watty Vos Boulevard no tabata un excepcion.
Diasabra mainta por a tuma nota di varios patruya di polis para banda banda di e caminda aki, esta trafico di ambos direccion, unda cu polis a haci control riba diferente vehiculo, por ehempel riba documento y hasta si mester, documento di un of mas persona cu lo por ta den auto.
Polis tabata haci nan control. Ta trata di control cu ta dirigi riba auto y tambe riba hende cu por ta den e auto cu probablemente lo tin un documento valido. Tabatin detencion durante di e control aki.
Polis tabata baha auto fo’i caminda pa asina haci nan control necesario. Comisario di polis Trudy Hassell tabat’ey presente durante e control particular aki, dunando sosten na e demas agentenan cu ta haci nan trabao riba caminda.
Tin cu agrega cu den cuadro di e control aki, ta circula rond un voice note di varios persona no local cu ta manda e bos rond cu riba e caminda principal aki tin control y pa no pasa riba e caminda aki, pa polis no para nan.
Tipo di control asina lo keda tuma luga na diferente punto principal di nos isla.
