Pa algun dia caba a cera Pacifico Restaurant na Dakota. E localidad no ta adecua pa bende cuminda na publico. Autoridad di Salubridad y Polis durante control a constata falta di higiena. Limpieza den cushina tabata necesario. A cuminsa na cera e restaurant pa dos dia.
Despues di dos dia, autoridad a bolbe bay controla prome cu duna OK pa habri. E doño Chines a paga un compania pa haci limpi y esaki a bay bon. Asina mes e parti di e viaducto pa saca huma for di den cushina no ta limpi ainda. A notifica e Chines cu esaki tambe mester wordo haci limpi prome cu por habri bek.
Tambe tin e parti di siguridad pa candela cu mester ta “in place” segun exigencia di Cuerpo di Bombero, prome cu e haya OK.
E restaurant mester a haci un inversion di algun mil florin pa por haci e limpiesa di e viaductonan den cushina.
Ta spera cu den e weekend largo nan por keda cla cu tur cos.
