Gene Boekhoudt di Doushar y Humberto de Castro ta dos contratista entre varios cu ta traha den refineria CITGO. Dialuna mainta tabatin un reunion hunto cu Refineria di Aruba, pa haya mas detaye riba e sancion imponi riba dje y kico lo sosode awo cu tur cos ta on hold. Esaki despues cu e decision aki tin repercucion directo pa e contratisanan local, entre otro pa cu e pagonan mensual.
Gene Boekhoudt di Doushar kier sa mas di su pago pa servicionan brinda na CITGO. El a comenta cu ta trata aki di un reunion mas tanto informativo y cu nan expectativa kico ta bay pasa cu e refineria, si e ta bay sigui of no.
Tur cos ta mustra positivoy e reunion a bay den un bon esfera, segun Boekhoudt. Ta mustra cu tur cos ta canando den bon caminda, djis ta pasenshi mester tin. Apesar di esey, RdA a saca den publicidad cu a pone e fase 2 di e upgrading on hold, aunke cu segun Boekhoudt, cu nan tabata sa esey caba di basta tempo. E tabata canando hopi slow, pero toch e ta mustra cu tin un luz na final di e tunnel. Mester tin un poco pasenshi si. Boekhoudt a sigui menciona cu e cliente ta pasando den un situacion tiki dificil, djis tin cu tene pasenshi y coopera cun’e, pa asina sali bon afo.
Pa loke ta wardamento, Boekhoudt a menciona cu nan tin 10 aña den e situacion aki. Si a warda 10 aña caba, warda algun luna mas no lo haci mucho cos. E negoshi ta tough, pero mester ta prepara pa por traha den e tipo di negoshi asina aki.
Doushar tin trahado riba contract y nan ta coopera. Doushar ta pendiente di e refineria pa traha den e situacion di sancion. Y manera cu nan keda cla, Doushar lo keda cla cu nan tambe. Tin mas reunion pendiente. E reunionnan aki ta bon y informativo pa tur hende ta na altura. Tin biaha ta tende hopi cos ta pasa rond, pero ora bo mes ta na altura, bo ta compronde e situacion y e empleadonan tambe ta compronde e situacion.
Humberto de Castro a menciona cu e reunion a bay bon. E ta gradici Alvin Koolman di RdA pa esey. Awo ta cuestion di sinta warda wak con e situacion lo desaroya. El a comenta cu e contratistanan tin hopi pasenshi, pero tambe nan tin hopi responsabilidad cu hopi empleadonan cu ta mama y tata cu ta trahando pa nan. Tin cu busca un solucion pa e problema. Te awor aki, no ta keda nada otro pa baha gasto, bira eficiente, bira creativo, pero keda positivo y warda pa e pagonan drenta.
E mercado di Aruba ta relativamente chikito pa e specialidad di e contratistanan di refineria. Como contratista tin cu duna di nan banda pa e proyecto sigui. RdA ta dunando su aporte pa haci lo necesario pa e sigui y gobierno tambe cu su poder ta duna esfuerso y e afan pa pusha e proyecto. Aunke cu tabata un lucha pa laga e refineria habri, de Castro a splica cu tin un futuro. E presentacion cu a haya dialuna mainta, ta duna e sentido cu awo mas cu nunca ta un posibilidad fuerte cu e Gobierno nobo di Venezuela, sigur una bes cu ta reconoci oficialmente, ta na mando di e pais completo.
Umberto de Castro a menciona cu e reunion a bay bon. E ta gradici Alvin Koolman di RdA pa esey. Awo ta cuestion di sinta warda wak con e situacion. El a comenta cu e contratistanan di hopi pasenshi, pero tambe nan tin hopi responsabilidad cu hopi mama y tata di empleadonan trahando pa nan. Tin cu busca un solucion pa e problema.
