Contratista a basha resto di cement na palo di luz

Polis a presenta awe mainta den careda di 7:50am na un cas den construccion na Bubali. Ey a atende cu e contratista, debi cu a basha cement na un palo di luz. Polis a papia cu un homber pafo di e cas y a puntr’e ken a tira e cement na e palo di luz.

E homber a contesta Polis cu e no sa y cu lo ta un di su coleganan cu no tabatey n’e momento ey. El a aclaria cu awe ta apenas su prome dia na trabou. Polis a pidi’e si e por haci limpi unda a basha e cement. E trahado nobo di e contratista a coopera mesora y a laga e area limpi limpi.