Mientras cu e contagionan di coronavirus cu a aumenta na un cifra record na Aruba pa despues baha bek den un luna di tempo, na Europa el pasa e cifra di 8 miyon di positivo.
Autoridadnan di diverso pais Europeo ta planteando na aumento e medidanan restrictivo, principalmente den un momento cu e yegada di e temperaturanan abao, compaña di e griep estacional, por produci un situacion critico den hospitalnan, unda cu por bolbe bay tin casonan di saturacion.
Europa, ta e region unda cu e virus ta avansa mas rapido, segun WHO
E casonan global di COVID-19, a yega awe na 39,9 miyon, despues cu a registra 338 mil den e ultimo 24 oranan, mientras cu e fayecidonan ta subi na 1,1 miyon, segun cifranan cu e Organisacion Mundial di Salud (WHO) ta actualisa tur dia.
E continente Americano ta yega na 18,7 miyon di contagio y zuid di Asia 8,4 miyon, aunke ta Europa, cu a caba di supera e barera di e ocho miyon di positivo, e region unda cu e casonan diario ta avansa mas rapidamente, riba un ritmo di entre 130 mil y 160 mil pa biaha.
Rusia ta e pais di Europa, cu e mayor cantidad di caso, 1,4 miyon, mientras cu Spaña por supera e miyon di positivo den e proximo bueltanan, mientras tanto cu na Francia ya e ta situa na 867 mil.
Onderschrift: EFE/ Raúl Caro/Archivo
