Contagio local: Casonan di Coronavirus ta sigui aumenta!

Departamento di Salud Publico di Aruba (DVG) a informa awe cu 76 pashent contagia cu Covid-19 a recupera entre ayera cu awe. Di otro banda, ta nota cu di ayera pa awe tin 107 caso nobo di Covid-19 di cual 2 ta no-residente. Cu e casonan nobo, e total di casonan activo awo ta 1265. Ayera a haci 432 test. Lamentablemente ayera pa awe nos isla a conoce dos morto mas pa motibo di Coronavirus, pues e cantidad di casonan fatal a yega 12. E edad di e fayecidonan ta varia entre 75 cu 85 aña.

Dr. Horacio E. Oduber Hospital a informa cu te na e momento aki nan tin 36 pashent interna, di cual 9 ta den e unidad di cuido intensivo (ICU) y 27 ta isola riba piso general.