Contacto di Kustwacht cu radar riba lama a pone Polis den accion riba tera

Diabierna anochi den oranan trempan a drenta informacion cu Kustwacht a haya un contacto di un boto cu a yega tera y sali mesora bek pa lama. Esey Tabata riba e radar a capta esaki.

A papia di e area di Bushiri direccion Divi Divi cu Tamarijn. Unidad di Playa, Strand Politie y tambe Kust Surveillance a bay mesora na e sitio. A cuminsa un buskeda pa hendenan cu a ser baha pa e boto. No a haya nada. A  busca fuil riba beach. A haya varios hende moviendo of piscando. Ningun a mira cualkier movecion sospechoso. Despues a drenta informacion cu no ta banda di Ex Bushiri bay abou pero mas bien banda di Nikky Beach. E area di SurfSide.

Polisnan a bay pura pariba. A cuminsa cu un buskeda full na e beach bay te banda di cas di gobernadora. Eynan no a topa nada tampoco. Hendenan cu ta frecuenta e area a splica autoridad uniforma y Kust Surveillance cu aki ta trata di un boto chikito berdad cu tur dia ta bin tera y ta pertenece na un di e botonan di bela ancra mas pafo. Despues di basta pregunta y buscamento, finalmente a cancela e buskeda. Asina mes lo keda cu wowo habri pa e area aki.