Na Merca Black Friday ta e dia di compras gigantesco despues di Thanksgiving y aki na Aruba, comerciantenan a rebaha tur nan prijs pa asina invita e consumidor pasa bishita nan pa asina nan por probecha e prijsnan na descuento.
Por a tuma nota cu caya grandi tabata basta yen di hende cu a probecha di e dia aki. Aunke cu varios a comenta cu tabata tin hopi promocion, pero no mucho variedad.
Tin cumprado cu tabata contento cu e prijsnan promovi, apesar di e situacion economico cu e isla ta aden pa motibo di COVID-19. A comenta di loke el a gasta, el a spaar mita di e placa.
Caya sinembargo tabata basta yen, despues di basta tempo, cual tabata un señal hopi bon.
Pa loke ta proteccion, e consumidornan ta proteha nan mes. Nan ta mantene distanciamento social, bisti tapaboca y tambe uza handsanitizer.