E siman aki Minister di Finansa, Asuntonan Economico y Cultura a ricibi bishita di Consul General Americano na Corsou señor Allan Greenberg y Consul Americano pa Asunto Politico y Economico Christian Olsen. A sinta combersa un rato riba economia di Aruba y duna un bista di kico tur a haci pa Aruba por recupera di e retonan cu e pandemia a trece.
Banda di esaki a papia riba e programa di ‘Young Leaders of the Americas Initiative’ (YLAI), den cual e biaha aki e hoben entrepreneur Arubiano Randall de Kort ta participa. E YLAI ta un programa special di e Embahada Americano pa amplia e netwerk y conocemento di hobennan den e region riba e tereno di entrepreneurship y innovacion.
Minister Maduro ta gradici e Consulnan p’e oportunidad aki brinda empresarionan hoben, p’e atencion di semper pa Aruba y ta spera di por keda conta cu e bon cooperacion aki na bienestar di nos Paisnan.
