Constance “Conny” Hope a haya un sorpresa hopi agradabel un dia despues di su aña

Departamento di Cultura (DCA) tabata di bishita den Caya Sint John. Segun relacionista publico di DCA, Stan Dabian, ta momentonan bunita di alegria, caminda mester siña aprecia hende na bida.

Riba invitacion di Roy Solognier cu a invita Dabian. E ta corda cu durante paseonan monumental cu a wordo haci den San Nicolas, a bin bishita e señora aki y a keda cu e amistad. 

Constance "Conny" Hope a haya un sorpresa hopi agradabel un dia despues di su aña

Constance "Conny" Hope a haya un sorpresa hopi agradabel un dia despues di su aña https://24ora.tv/34oT4S5

Posted by 24ora on Saturday, December 14, 2019

Tin diferente cos di antaño den e cas. A haci un bishita di sorpresa riba e dia di su aña. Constance “Conny” Hope, a haya un sorpresa cu un bolo y un regalo chikito. Hunto cu Roy Solognier y Roy Feliciana di Museo di Comunidad di San Nicolas, a bin bishita Conny den Caya St. John 21.

El a hay’e como un sorpresa bunita y a keda hopi contento. A combersa ameno cun’e y a dese’e salud y bida largo. Conny tin hopi experiencia. Su tata tabata sacado di potret y asina ey nan tabata tin hopi cos cu nan a conbini na Aruba.

Roy Feliciana ta traha cu Fundacion Museo Arubano y e ta conta cu el a haya un invitacion pa bin na e cas di Conny Hope. Ora cu a splik’e cu e cas ta di 1935 y den bon condicion, el a keda sorprendi. Masha poco ta haya un cas asina.

E ta sigui conta cu ora el a wak paden, el a wak algun stoel cu ta hopi bieu, por lo menos 100 aña bieu y ta den bon condicion.

Segun Feliciana, tin mas cos. Ta bay planea un dia pa saca nan y mira ki storia mas por saca di nan.

E mueblenan tabata di su mama. E señora mes tin 85 aña y eynan ta haya sa e balor di e stoel y con bieu nan ta.

Pa loke ta e cas, e ta tremendo. Mayoria parti ta traha di bloki awendia. Esaki ta traha di palo cu nunca nan a drecha, ta hopi bon.

Conny Hope ta masha contento cu el a ricibi e bishita aki. E mes no sa kico e cas tin. E ta wak muchanan di scol ta bin cu nan juffrouw, nan ta saca potret y e juffrouw ta papia cu nan. Nan a bis’e cu e cas ta bunita y e tin di acepta y ta masha contento di tende tur cos bon di e cas.

E cas ta hopi bieu. Ta su tata y su omo a traha e cas den aña 1935. El a keda biba semper den e cas. Nunca el a bay otro caminda, pasobra cu el a keda biba cu su mama.

Diahuebs, dia 12 di december, el a cumpli 85 aña y awe 13 a sorpres’e cu un bolo masha bunita.

Conny sa cu e stoelnan di balor, ta stoelnan di su mama. Tin basta cos chikito cu su mama a bay laga despues cu el a fayece, y Conny a keda cu nan. Loke su mama tabata gusta, Conny tambe gusta. E sa e balor.

Pa un mama traha duro cumpra loke e tin den cas pa haci e cas bunita, e tin hopi balor pa Conny.