Consecuencia tabata hopi serio ora a bay pasa auto

Polis a presenta mesora na sitio pa un accidente basta serio cu varios hende herida. Esaki a tuma luga riba caminda hopi uza di Pos Chikito den cercania di planta nacional di television.

Aproximadamente 9:00 am na crusada di Malohistraat cu e caminda di Pos Chikito a tuma luga un accidente entre un Nissan March shinishi y un KIA Rio blauw.

E impacto tabata basta fuerte cu tres persona herida. A pidi presencia di varios ambulance na sitio.

Consecuencia tabata hopi serio ora a bay pasa auto

Consecuencia tabata hopi serio ora a bay pasa auto. Click link pa mas https://24ora.news/3bePq3S

Posted by 24ora on Wednesday, March 3, 2021

Locual por a compronde na sitio, cu e Nissan March a yega na crusada, biniendo di pariba pa bira na su man robes pa Malohistraat. Riba caminda tabata biniendo un KIA Rio blauw su tras, pasando trafico. E no a tuma nota cu e Nissan March tabata birando y no a logra evita impacto.

A dal hopi duro den e Nissan March y a mand’e Nissan March te otro banda den cura di un cas mientras e Kia Rio a “spin” for di control pa despues keda para meymey caminda. Na sitio, a sali habitante cu conocemente medico brinda prome auxilio mientras tabata warda yegada di ambulance.

Tres persona a resulta herida den e accidente aki, cu a transporta cu ambulance pa hopsital pa tratamento medico. Segun testigonan e crusada aki ta uno peligroso caminda accidente parecido ta sosode frecuentemente. Despues cu takelwagen a hala vehiculo for di caminda, trafico por a normalisa.