E conocido marca The Bulldog lo habri su portanan na Aruba. E marca ta conoci pa opera Coffee Shops cu ta bende Marihuana pero tambe pa Souvenir Shops, Cafe’s y Hotel. Sinembargo pa Aruba lo ta trata di un ‘outdoor bar’.
E compania ta existi for di 1974 y tin hopi exito specialmente na Amsterdam. Recientemente a habri tambe na Roma, Canada y proximamente Aruba. Na Aruba ‘The BullDog’ Aruba lo transforma ex ‘Wet Bar’ na Paseo Herencia como nan cas nobo.
Riba Tripadvisor por mira comentarionan cu probablemente e compania a mira cu posiblemente den futuro ‘soft drugs’ lo por wordo legalisa na Aruba y cu nan lo kier ta un di e promernan pa probecha di esaki. Sinembargo esaki no ta confirma. E compania a duna di conoce cu apart di ofrece e atmosfera unico cu The Bulldog ta ofrece lo tin un terraza unda cu por disfruta di bistanan bunita.
