Conocido locutor y director di radio riba un trip ta kibra su auto den truck di Serlimar

Den oranan di marduga 5or pasa, Polis a wordo pidi pa bay na e crusada di Kamerling Onnestraat cu De La Sallestraat. Eynan tin un accidente y un chauffeur ta bebi. Ora cu Polis a yega ya caba  e chauffeur cu lo tabata bebi a disparce for di e sitio.

Amigonan a bay cune. E tabata den su Mercedez Benz  biniendo playa riba e caminda di Kamerling Onnestraat y na dado momento a yega e T-Weg di De La Sallestraat y no a para. Net un truck di Serlimar tabata pasando den De La Sallestraat direccion pabou.

E Mercedez Benz a dal masha duro den e truck. Si e truck no a pasa e lo a dal den e cura di e cas. E truck no a haya masha sla pero e auto di e director y DJ di radio di inicialnan R.M. si a kibra hopi. E personal di Forensys a presenta na e sitio. Dimes si nan constata algo robez ta yama pa Polis. Esey mes ta loke a sosode tambe. Nan a pidi presencia di Polis pasobra e chauffeur di e Mercedez Benz ta bebi.

Sinembargo despues di tuma algun  informacion chiktito como Forensys, tabata warda presencia di Polis. Ora cu Polis a yega nan no a topa cu e director di radio cu a causa e accidente. Kiermen el a logra scapa di e control cu mester a tuma lugar riba sospecho di ta core bou influencia di alcohol y causa accidente. Polisnan a bay tira bista den e auto tambe pa boter di alcohol pero nan a  saca esaki y deshaci di dje. Tambe e yabi di e auto no tabata tey y tabata dificil pa move e auto sin su doño presente.

Despues di un rato un amigo di e locutor di radio, cu ta doño di un bar,  a presenta y laga e yabi di e auto atras.  Asina por a logra pa takel e auto tur kibra. Polis a haci anotacion di e accidente y lo traha un procesverbal riba dje mirando cu e chauffeur a disparce prome cu Polis a yega pa haci nan testnan necesario.