Conoci di polis “Shafette” agredi cu machete na cabes

1656

Diahuebs anochi den careda di 7:45PM a pidi presencia di polis cu urgencia na Cura Cabay Zuid pa un caso serio di agrecion cu arma blanco. Un persona cu herida basta profundo na su cabes tabata keha di dolor na sitio.

Na yegada di polis a compronde for di bisiñanan cu un persona ta herida, cu locual tabata parce na prome instante, clabo den su cabes. Ora a bay tira bista miho a bin constata cu ta trata di herida basta grandi y hundo cu machete.

Polis a tuma nota cu tabata trata di un persona conoci pa nan “ Shafette” cu tabata herida. Segun testigonan tabata tin un discusion formal entre e victima y un/of mas persona cu despues a bandona sitio den un Nissan march ( color berde ).

Ambulance tambe a presenta na sitio pa trasnporta e victima cu urgencia pa hospital. Mientrastanto polis a cuminsa investigacion pa asina saca afo kico a socode y cuminsa un buskeda pa e agresor(nan) den e caso aki.