Confiansa den Rey Willem-Alexander a baha hopi den 2020

1405

E confiansa den Rey Willem-Alexander a baha fuertemente e aña’ki. Na april ainda 76% di tur e Hulandesnan tabatin basta of hopi confiansa den e Rey, y na december awo e ta apenas 47%.

Hulandesnan tambe ta menos contento riba funcionamento di e Rey. Na april 67% tabata (basta) contento cu e funcionamento di Willem-Alexander, y awo esaki ta 51%.

Esaki a resulta di un encuesta for di e oficina di investigacion Ipsos, cu riba ordo di Nieuwsuur a haci e encuesta. For di e lista di pregunta a resulta cu un cantidad di ciudadano cu ta (hopi) malcontento riba funcionamento di e Rey tambe a subi. Prome e tabata solamente 3 porciento, y awor esaki a bira 14 porciento.

Critica riba decision di Rey

E aña’ki tabatin algun momento cu a bini hopi critica riba actuacion di e Rey. A surgi hopi discusion ora cu e pareha real a aparece riba un potret durante nan vakantie na Grecia, den luna di augustus, hunto cu doño di un restaurant, sin tene nan mes na un distancia di 1.5 meter.

Prome cu esey, e Rey a cumpra un speedboat completamente nobo pa dos miyon euro. Cu el a haci esaki den pleno crisis di corona, a causa criticanan cu e no ta solidario cu e pueblo Hulandes.

Durante herfst e famia Real – un siman despues cu Gabinete den un conferencia di prensa a haci un apelacion pa keda mas tanto posibel cas – a bula bay Grecia cu un avion di gobierno. E diabierna merdia ey a surgi asina hopi discusion, cu e Rey a dicidi di bolbe mesora.

Ora cu a resulta cu e dos yiunan uhe di e pareha a keda Grecia, mientras cu e mayornan a bula cu avion normal bek, a surgi un otro ola di critica. Rey Willem-Alexander y Reina Maxima a graba un video hunto den cual nan ta admiti cu nan a faya. Segun Willem-Alexander a causa nan dolor “ di a causa daño na e confiansa cu e pueblo tin den nan”.

Tres cuarto parti di esnan encuesta “no a haya na su luga” cu e pareha a bay Grecia cu vakantie. Segun e reglanan esey tabata morto – e conseho di biahe tabata riba codigo geel – pero e no a cay den bon tera. Casi 70 porciento di e Hulandesnan ta pensa cu e imagen di Famia Real a keda afecta pa esaki.

Asina mes rond di 40% di e Hulandesnan ta haya cu e pareha real si a mustra solidaridad, compara cu 25% cu ta kere cu esey no tabata e caso. Principalmente 55+ ta convenci cu e famia Real ta solidario cu e pueblo.