Awendia si bo ta miyonario bo por haci locual cualkier otro ciudadano no por haci. Mainta a mira con e hotel of condominium di famia Perret Gentil ta manda awa saliendo for di nan hotel pa caminda.
E awa aki logicamente ta crusa yega lama. Awa limpi sigur e lo no ta. Ningun hende ta saca un tubo di nan condominium cu awa limpi manda pa caminda of lama. Mientras cu pueblo of hotelnan mester paga companianan septico pa bin busca awa di pos of awa sushi, aki den forma scondi cu caminda cera ta djis laga esaki bay caminda via tubo cu ta sali di nan propiedad.
Probablemente den gobierno mes lo tin departamentonan cu lo sali defende e practica aki pa nan. Pero si tabata Juan Bimba lo tin multa a cay y departamentonan of Polis lo a actua sigur. Dicho hancho pa uno y smal pa otro ta aplicabel aki.
