Ya caba ta un custumber pa masha hopi hende, cu e ultimo diadomingo di luna nan ta bay Café Musical na Bilioteca Nacional na Playa, pa disfruta di un mainta ameno, yena cu bon musica y un ambiente masha agradabel.
PERO e luna aki e conierto ta tuma luga di 22 di APRIL, pues diadomingo awo. E diadomingo aki lo ta atrobe masha special. Tur presente lo disfruta di 2 ora yena cu bon musica, presenta pa 3 diferente grupo.
E concierto ta habri cu Tali Wever, cu no ta un desconoci den nos conciertonan y kende hopi di nos ta corda ainda tocando na Talk of the Town. Wel, mucho no a cambia. Despues di a toca te hasta na diferente pais pafo di Aruba, t’e mesun Tali, cu cantando y tocando su guitara lo laga nos difruta di tur tipo di musica.
Despues ta sigui Melodia, bou direccion di Rubin Ponson. Melodia ta un grupo cu a presenta diferente biaha den nos conciertonan. E grupo ta consisti di 13 teenager y hoben y 3 integrante adulto. Aña pasa y luna pasa nan a saca un CD. E prome CD ta dedica na canticanan di Rudy Plaate y e ultimo ta contene temanan dedica entre otro na nos Dia Nacional. Si bo ta interesa den un CD, diadomingo prome y despues di e concierto por cumpra.
Finalmente nos ta haya presentacion di un mariachi hopi conoci: Mariachi Perla di Aruba, cu otro luna ta existi 62 aña!! E integrantenan, cu ta toca fio, guitara, trompet, vijuela y guitarron lo laga nos scucha un variedad di ranchera.
E tres gruponan aki sigur lo percura pa un ambiente musical tremendo.
Entrada ta completamente gratis, pero ta gradici bo di awor caba pa e contribucion financiero boluntario den e caha di glas pa e Fundacion pa Talento Musical Donny Laclé.
Tur hende ta bonbini diadomingo awor, dia 22 di april, pa 11’or en punto!
