Concierto di Pasco di scol di musica Rufo Wever

191

Diadomingo awor pa 4’or di atardi den Cas di Cultura, studiantenan di Scol di Musica
Rufo Wever, bou di guia di e docentenan, lo brinda amantenan di bon musica nan
concierto di fin di aña.

Studiantenan a prepara un programa special pa celebra e temporada di Pasco. Nan lo comparti nan talento y loke nan a siña na Scol di Musica Rufo Wever den cancionnan local, regional y tambe internacional di Pasco. Studiantenan lo mustra nan abilidad riba diferente instrumento y lo presenta den gruponan chikito, grandi y tambe como solista.

Cu hopi entusiasmo y dedicacion nan ta preparando pa e dia aki, pa asina regala e comunidad di Aruba un magnifico concierto. Amantenan di bon musica no por perde e oportunidad aki di scucha y mira nos futuro musiconan. Aruba henter ta keda cordialmente invita na e ‘Concierto di Pasco’ di Scol di Musica Rufo Wever. Carchi ta obtenibel cerca administracion di
Scol di Musica Rufo Wever na Cas di Cultura piso ariba y na porta dia di e concierto.