Concierto di Ana Gabriel ta e miho regalo pa dia di mama e aña aki!

i10 Sedan
RBC Mortgage Switch Campaign 2019
SETAR 3GB Free Data den February
PPG Super Descuento

Si bo ta buscando un regalo pa regala mama e aña aki, nos tin e regalo perfecto! Sea cu si bo ta un mama, of si bo ta e yiu cu kier regala su mama e regalo perfecto, den compania di bo familiarnan, esaki ta bo oportunidad: Un carchi VIP pa wak Ana Gabriel den Concierto riba e fecha mes di dia di mama, esta 11 di mei proximo. Despues di 25 aña, e artista di taya internacional Ana Gabriel  ta bolbe Aruba, pa presenta un señor concierto, como un regalo pa tur e dushi mama di Aruba. E concierto special aki lo tuma lugar den e mahestuoso Aruba entertainment Center.

Fabulous Carnival
Cambia, Spaar y Gana

Segun e organisadornan, tabata despues di negosacionnan hopi largo y dificil cu a logra sigura e artista grandi aki pa e bolbe Aruba. Ana Gabriel no ta desconoci pa Aruba ya cu na 1992 tabata na Aruba caba y a presenta su cancion popular Luna e tempo ey den e mesun lugar, Aruba Entertainment Center.

CARCHI

Pa e anochi grandi aki, e organisadornan a sigura cu un y tur por goza di e evento y a hacie mas facil posibel pa tur hende gosa di e anochi. For di VIP te na entrada general. Den cuadro di esaki loke e organisadornan a regla pabo, ta cu bo por paga bo mesa di VIP poco poco segun bo propio forsa. Tambe ta asina cu si bo no tin 10 hende pa comparti e mesa completo, esaki tampoco no ta un problema pasobra bo por cumpra carchi los pa sinta na mesa VIP compartiendo e mesa cu mas persona. Pues no tin un excusa pa abo ta un VIP riba e anochi grandi aki.

Manera informa, tin diferente seccion:

*) VIP Plus cu ta inclui Bebida na mesa

*) VIP Table SIN  bebida

*) VIP Seating/standing

*) Seccion general

A percura pa facilita Bo cu e posibilidad pa no mester paga bo mesa VIP for di awor.

Bo ta reserva bo mesa VIP awor pagando solamente 10% y e resto bo ta paga poco poco fin di luna di Februari – Maart y April. Dus bo tn tres (3) fin di luna pa paga bo reservacion. Miho no por!

Ta recomenda pa bo no sinta warda e fecha yega cerca, pasobra e interes ta enorme! Tanto mesa di VIP como carchi regular ta bayendo manera pan cayente, y ta premira cu prome cu e fecha yega, e lo ta un concierto full bendi.

Pa reserva of paga mesa y of carchi awor caba, por pasa libremente na e BOX OFFICE di Ana Gabriel situa na Seaport Marketplace na Oranjestad. Direccion: Ora cu bo drenta di parti di e gang di Cinema, cana bay te abou y busca e local cu ta hopi visibel di leu cu potret di Ana Gabriel. Pa esnan cu no por yega eynan ainda, por yama of app telefon 5999-5102917 of 297-5686283.

Comments

comments

Island Finance – Carnaval