E comunidad Venezolano na Aruba a reuni na Plaza Bolivar, pa asina demostra nan solidaridad pa loke ta trata e situacion na Venezuela, e momentonan aki.
For di mainta a surgi algo inespera, caminda cu presidente Guaido a haci un yamada grandi pa e pueblo sali y uni nan mes na e forsa, pa asina por trece un cambio na pais Venezuela.
Esaki ta sosodiendo te na e momentonan aki.
E comunidad Venezolano a sali riba caya na Venezuela y tambe un otro gran sorpresa cu tabata tin, ta cu na momento cu presidente Guaido pa pidi pa militarnan uni forsa y uni na e mando aki, y asina militarnan a haci y a contribui pa asina por a libera e opositor politico Leopoldo Lopez.Na e momentonan aki Leopoldo Lopez ta liber y a compronde cu e lo ta pidi asilo politico na Chile. Ta en espera pa confirma tur esaki, pero e ta na e embahada di Chile, pa asina confirma su siguridad y di su famia.
Na Aruba, e Venezolanonan a sali, pa asina demostra nan solidaridad pa loke ta trata e lucha pa libera Venezuela na tur loke ta pasando na e momentonan aki. E presentadora Maite Delgado, ya ta pa algun tempo na Aruba y ta vocifera e malcontento di e Venezolanonan y awe a sali riba caya, pa asina mustra un biaha mas cu nan ta solidario y nan ta sostene e demostracion y e lucha cu tin na Venezuela.Delgado a splica cu e noticia aki ta hopi importante. E conflicto Venezolano ta uno cu ta duel nan hopi y mester duel tur e rumannan di Latino America. Pasobra esey ta loke nan ta, Venezolano y ruman. Tabata un dia sorpresa, un marduga sorpresivo, unda cu finalmente a dal e paso di accion cu e pueblo Venezolano a spera pa sigui e ruta cu nan a crea na principio di e paro di e usurpacion, pa por tin opcion pa un gobierno di transicion real, cu ta permiti nan haci e cas limpi pa bay eleccionnan liber. 
Parce cu a convoca of a duna inicio na “Operacion Libertad” door di e presidente encarga, Juan Guaido y a sosode na Venezuela, loke por a mira durante dia. E liberacion di Leopoldo Lopez. Mira Leopoldo riba caya cu su custidionan. Cu Sebin a lag’e sali for di su cas, tabata un lectura.Delgado ta cu hopi expectativa, cu hopi gana. E comunidad a uni pa conbibi den e tristesa, dolor, den nan fe y speransa. Tur ta yena cu expectativa pa loke ta bay sosode.
Juan Guaido lo bay papia pa 6’or di atardi y lo mester resumi loke a pasa awe y lo repasa e ruta cu e Venezolano kier recupera nan libertad, tin cu sigui.
Expectativa
Tur hende ta spera un golpi di estado. Maite Delgado a splica cu den su opinion, Juan Guaido ta e presidente encarga di Venezuela y por lo tanto no por yama esaki un golpi di estado. E ta sinti cu ta eherce e derecho civico cu nan tin, cu como ciudadano tin garantisa den e constitucion, exigi libertad pa rescata e democracia.
Un golpi di estado nan a dal durante e 20 aña, kende a usurpa e poder.
Ki pa spera aki na Aruba
Ora cu sosode algo na Venezuela, sea cu coriente bay of cu tin un conflicto sosode manera awe, ta replica unda cu tin un curason Venezolano. Y na Aruba tin varios curason Venezolano batiendo. Pasobra ta un isla maraviyoso. Ta un pais bunita, pasobra e ta asina cerca, pasobra ta e mesun hendenan.
Peticion di Maite
Maite Delgado tin un peticion pa Aruba, cu ta su di dos hogar. Cada biaha cu e por e ta haci’e.”Mi dushi tera, mi dushi Aruba cu mi stimabo asina hopi, cu ta mi di dos hogar. Den bo mi tin mi speransa, cu aki mi kier bolbe soña, cu aki mi kier cuminsa di nobo. Kier nos, acepta nos, cuida nos, balora nos. Y nos como Venezolano ta priminti boso mesun cos, stimabo, balorabo, honrabo y protehebo. Nos ta compronde cu Aruba tin un ecosistema hopi fragil, cu ta chikito y cu no tin capacidad pa hopi. Pero si Aruba y mundo resolve nos conflicto, mayoria por bolbe bek cas. Y asina Aruba bolbe resolve e problema,” Maite a indica.
