Fundacion Dominicana Arubanse Juan Pablo Duarte y e instituto Duartiano a realisa un ofrenda floral hunto cu Consulado Dominicano den conmemoracion di 156 aniversario di Restauracion.
Esaki a tuma lugar na Plaza Juan Pablo Duarte cu miembronan di Comunidad Dominicano. Presente tabata e cuerpo di Bombero Dominicano. Organisadonan kier a gradici tur hende cu bini hunto riba e fecha importante aki pa comunidad Dominicano.
“La Guerra de la Restauración” tabata un guera cu a tuma luga na Santo Domingo desde 1863 te cu 1865 entre e dominicanonan y Spaña, cu e grupo conservadurismo dominicano a invita pa tuma posesion atrobe di e pais 17 aña despues di Guera di Independencia contra Haiti y 42 aña despues cu habitantenan di e parti oriental a declara nan mes independiente di Spaña.
E conflicto a caba cu un victoria dominicano debi na retiro di e trupanan Spaño despues cu Corte a ordena nan pa nan bay, debi cu e gastonan di e guera tabata hopi halto y nan no tabatin mester di e teritorio.
