Loke a yama hopi atencion cerca Cuerpo Policial tabata e cantidad di hoben cu a keda deteni. Sea pa droga, buracheria, mal comportacion of simplemente un kier a bringa cu e otro.
Diferente punto, manera banda di Talk of the Town, unda cu polis a ristra algun hoben pa droga, cu finalmente a detene cuater hoben, Cas di Cultura, como tambe na Royal Plaza, tabata tin basta disturbio, caminda cu polis mester a interveni pa muchanan cu tabata haci fastioso.
E consumo di alcohol entre nan tabata halto y esey ta di lamenta. Manera cu ya nos a menciona den un articulo anterior 8 hoben a keda deteni, di cual 3 di nan ta muchanan di 15 aña.
E cifra ta mustra poco, pero cada hoben ta uno di mas. Aunke cu tabata tin hopi campaña di concientisacion riba consumo di alcohol y droga, toch ta remarcabel e cantidad halto di hoben cu manera nan ta bisa crioyamente, e informacion ta drenta den un orea sali for di e otro.
